pi gwo vil Nijerya.
Pran nan Associated Press(AP)
LAGOS, Nijerya - Yon bilding apatman 21 etaj ki t ap konstwi nan yon zòn rich nan pi gwo vil Nijerya a te kraze lendi, sa ki te touye omwen twa moun pandan anpil lòt toujou disparèt.
Chèf lapolis Lagos la, Hakeem Odumosu, konfime lanmò yo, men li ajoute ke twa sivivan yo te rale anba debri yo apre efondreman an, ki te fèt nan zòn Ikoyi a.
Mason Eric Tetteh, 41 an, te rakonte ke ekip konstriksyon yo t ap tann yon ekskavatè rive sou sit la lè bilding lan te kraze sibitman.
“Mwen menm ak frè mwen an te chape, men gen plis moun la, plis pase 100 moun,” li te di Associated Press.
Lè li rive sou sit la, Vis Gouvènè Lagos, Obafemi Hamzat, te resevwa yon foul moun ki t ap akize otorite yo dèske yo te pran twòp tan pou yo kòmanse efò sekou yo.
“Sa fè de zèdtan depi bilding lan tonbe, pèsonn pa vini,” youn nan travayè yo ki te fache yo te rele byen fò.
Travayè yo di ke grat syèl la, ki te tonbe nan zòn Ikoyi nan Lagos, te an konstriksyon pandan dezan.
Kòz efondreman an poko konnen. Sepandan, ensidan sa yo rive souvan nan Lagos akòz mank respè pou règleman sekirite yo ak move kalite lojman yo, ki souvan konstwi prese prese pa konpayi yo pou satisfè gwo demann lan.
