KOLONBI– Apre tranblemanntè mayitid 7.4 ki te frape Kolonbi nan dat 10 out la, ki te kite 240 moun mouri ak anviwon 2,500 blese jiskaprezan, prezidan Kolonbyen an, Abelardo de la Espriella,te deklare twa jou dèy nasyonal epi li te dekrete yon eta "dezas nasyonal ak ijans ekonomik ak sosyal," ak objektif pou adopte mezi pou adrese domaj tranblemanntè a te koze, ke yo konsidere kòm youn nan pi fò ki anrejistre nan peyi a pandan dènye deseni an.
Dapre Enstiti Nasyonal Medsin Legal ak Syans Forensik , yo te resevwa kadav 240 moun ki te mouri akoz tranblemanntè a jiskaprezan , alòske anviwon 2,500 moun te blese , dapre EFE.
Etandone grandè trajedi a, prezidan an bay lòd pou pandan twa jou kap vini yo drapo yo rete sou bilding gouvènman yo kòm yon siy dèy, kòm yon omaj pou viktim yo ak yon ekspresyon solidarite ak fanmi yo.
“Gouvènman nasyonal la, nan non pèp Kolonbyen an, eksprime pwofon lapenn li pou lanmò moun ki pèdi lavi yo akòz aktivite sismik ki te fèt nan dat 10 out 2026 la sou teritwa nasyonal la, epi li montre solidarite li ak fanmi ak zanmi moun sa yo ki nan dèy,” dapre yon dekrè Prezidans lan pibliye.
De la Espriella te eksprime tou, atravè rezo sosyal yo, gwo lapenn nasyon an pou pèt plizyè santèn lavi. Prezidan an te note ke trajedi a pa sèlman pote lapenn pou fanmi ak moun yo renmen nan viktim yo, men tou pou tout pèp Kolonbyen an.
Zòn ki afekte pa tranblemanntè a
Dapre Sèvis Jeolojik Kolonbyen an (SGC) , fenomèn natirèl la te lakòz gwo domaj nan enfrastrikti nan vil tankou Cali, Pereira ak Manizales . Anplis moun ki mouri ak blese yo, anpil bilding te domaje oswa te kraze akoz gwo tranblemanntè a.
Antite a eksplike ke tranblemanntè a te fèt vè 7:34 a.m. lè lokal (12:34 GMT), epi episant li te nan San José del Palmar, nan depatman Chocó.
Okòmansman, yo te estime tranblemanntè a te rive nan yon mayitid 6.7; sepandan, yon bilten pita nan men ajans lan te mete mayitid la a 7.4.
Lekti rekòmande:
