AFP
Prezidan amerikenDonald Trumpte siyen yon dekrè madi ki ogmante tarif sou enpòtasyon asye ak aliminyòm , li konsidere sektè sa yo kòm estratejik.
Depi li retounen sou prezidans lan an janvye, Trump enpoze tarif toupatou sou alye li yo ak advèsè li yo, mezi ki souke lòd komès epi ki boulvèse mache finansye yo.
Li te enpoze tou tarif ladwann 25% sou pwodui espesifik tankou asye, aliminyòm , ak otomobil.
An 2024, Etazini te enpòte apeprè mwatye nan asye ak aliminyòm yo itilize nan peyi a.
Kanada se prensipal founisè asye ,apre sa vini Brezil ak Meksik, ak pwodwi ki destine pou lòt endistri tankou otomobil ak konstriksyon. Epi Ajantin se sizyèm pi gwo founisè aliminyòm.
Dekrè a presize ke nouvo tarif ladwann ap antre an vigè mèkredi 00:01 lè lokal (04:01 GMT).
Tèks la di objektif la se " konbat pi efikasman peyi ki kontinye jete asye ak aliminyòm anplis a pri ki ba Ozetazini."
"Ogmantasyon tarif ki te enpoze anvan yo pral bay plis sipò pou endistri sa yo epi diminye oswa elimine menas pou sekirite nasyonal la ki poze pa enpòtasyon asye , aliminyòm ak dérivés yo," li ajoute.
Trump te anonse desizyon li semèn pase a pandan yon vizit nan yon izin US Steel nan Pennsilvani, yon eta nan nòdès peyi a ki se bèso endistri asye nasyonal la.
"Pèsonn p'ap ka vòlè endistri," li te deklare nan moman sa a.
Kanada te depoze yon plent nan Òganizasyon Mondyal Komès ( OMC ) nan dat 13 mas kont premye vag tarif yo sou asye ak aliminyòm .
Peyi a te diskite ke mezi sa yo "enkonpatib ak Etazini" nan komès entènasyonal, dapre OMC.
Foto: Sous ekstèn.
