SANTO DOMINGO- "Dominiken yo lib kounye a," se sa Prezidan Luis Abinader te deklare mèkredi swa pou l fini diskou li devan nasyon dominiken an, kote li te anonse sispansyon tout mezi restriksyon ki te koze pa COVID-19 nan peyi a.
Nan yon ti diskou prezidan an te adrese a tout sitwayen yo, li te di ke itilizasyon mask, prezantasyon kat vaksinasyon pou antre nan tout kote, ak restriksyon nan espas piblik yo se "responsablite endividyèl" tout sitwayen.
“Peyi a merite e li bezwen yon rekiperasyon emosyonèl epi pou l kite dèyè mezi nou te oblije enpoze pou yon tan ki deja pase. Apre long batay sa a, nou kòmanse reprann libète nou,” Abinader te eksprime, jis lè peyi a make yon ane depi kòmansman Kanpay Vaksinasyon Nasyonal kont Covid-19 la.
Li deklare ke Gouvènman an ap kontinye envite popilasyon an volontèman pou yo pran vaksen an jiskaske kalandriye vaksinasyon an fini, pou garanti aksè a dòz yo nan nenpòt sikonstans.
“Nou pral kontinye siveye epi obsève sitiyasyon an. Peyi a kapab asire tou ke, kontrèman ak nan tan lontan, sistèm sante nou an kounye a pare pou jere nenpòt evantyèlman,” li te note.
